Ciel reluysant, qui decouvre le lustre
Ciel reluysant, qui decouvre le lustre
De la beauté, la gloire de noz ans :
Et du clair tour de tes feuz rayonnantz
En l'eclairant, tu reluis plus illustre.
Mon nom obscur de la splendeur illustre,
Nom qui s'espand de tes flambeaux luysantz,
Mais que tu rens des deux astres plaisantz,
Desquelz le trait tout l'univers perlustre.
Pour meriter par mes chantz la clarté
Qui esclairoit mon esprit arresté,
Et darde en luy les scintilles de grace :
Affin qu'au jour il decelle la foy,
Emprainte au coeur et escripte en la face
D'un ferme espoir, capturé souz sa loy.
1
