Ballade
Honte, paour, douptance meffaire
Attemprance mettre en sa volente
Large en refus et lente d'octroy faire
Raison mesure, honneur et honnestre
Doit en son cuer figurer,
Et mesdisans seur toutes riens doubter
Et en tous fais estre amoureus couarde,
Qui de s'honneur wet faire bonne garde.
Sage en maintieng, au bien penre exemplaire
Celer a point s'amor et son secre,
Simple d'atour et non vouloir attraire
Pluseurs a li par semblant d'amitie
Car c'est pour amans tuer
Foy, pais, amour et loyaute garder
Ce sont les poins que dame es son cuer garde
Qui de s'honneur wet faire bonne garde.
Quar quant amour maint en cuer debonnaire,
Jone, gentil, de franchise paré,
Plain de cuidier et de joieus afaire
Et de desir par plaisence engenré
C'est trop fort a contrester
Qu'il font souvent senz et mesure outrer
Pour ce ades pense a ces poins et resgarde
Qui de s'honneur wet faire bonne garde.
Les poèmes de Guillaume de Machaut
1
